ក្រុមហ៊ុន​ Tesla​ មើលឃើញ​ការ​កើនឡើង​នៃ​ការ​ចង់បាន​រថយន្ត​ EV​ កាន់តែ​ច្រើន​ឡើង​ៗនៅក្នុង​ប្រទេស​ចិន​ បើ​ទោះបីជា​ទីផ្សារ​រថយន្ត​មានការ​ធ្លាក់ចុះ​ក៏ដោយ​

ចំនួន​រថយន្ត​របស់​ក្រុមហ៊ុន​ Tesla​ គឺ​មានការ​ចុះឈ្មោះ​ដែល​មានការ​កើនឡើង​ដល់ទៅ​ 5,597​ គ្រឿង​កាលពី​ខែមុន​នេះ​ បើ​ធៀប​ជាមួយនឹង​ខែវិច្ឆិកា​ ឆ្នាំ​ 2018

Chom Penglin
25 ធ្នូ 2019
01:30 am
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

លោក Elon​ Musk​ ដែល​ជា​ម្ចាស់​ក្រុមហ៊ុន​ផលិត​រថយន្ត​ Tesla​ ប្រហែលជា​មិន​មានការ​រងគ្រោះ​ ដោយសារតែ​ការ​លក់​ធ្លាក់ចុះ​នៃ​ទីផ្សារ​រថយន្ត​នៅក្នុង​ប្រទេស​ចិន​នោះ​ទេ​។ ផ្ទុយទៅវិញ​ ក្រុមហ៊ុន​នេះ​ បាន​មើលឃើញ​ពី​ការ​កើនឡើង​យ៉ាង​ខ្លាំង​ទៅលើ​ចំនួន​អ្នក​ចុះឈ្មោះ​ទិញ​រថយន្ត​នៅក្នុង​ខែវិច្ឆិកា​។ នៅក្នុង​របាយការណ៍​ថ្មី​មួយ​ បាន​បញ្ជាក់​ថា​ ក្រុមហ៊ុន​ផលិត​រថយន្ត​ Tesla​ Model​ S នេះ​ គឺ​មើលឃើញ​នូវ​ការ​រីកចម្រើន​យ៉ាង​ខ្លាំង​ទៅលើ​ការ​ចុះឈ្មោះ​អ្នកប្រើ​ប្រាស់​របស់​ខ្លួន​ដែល​មានការ​កើនឡើង​ 14​ ដង​នៅក្នុង​ប្រទេស​ចិន​សម្រាប់​ខែវិច្ឆិកា​ ឆ្នាំ​ 2019​ នេះ​។

រូបភាព Automotive Cambodia


ចំនួន​រថយន្ត​របស់​ក្រុមហ៊ុន​ Tesla​ គឺ​មានការ​ចុះឈ្មោះ​ដែល​មានការ​កើនឡើង​ដល់ទៅ​ 5,597​ គ្រឿង​កាលពី​ខែមុន​នេះ​ បើ​ធៀប​ជាមួយនឹង​ខែវិច្ឆិកា​ ឆ្នាំ​ 2018​ ដែល​មាន​ចំនួន​ត្រឹមតែ​ 393​ ប៉ុណ្ណោះ​ហើយ​នេះ​ គឺ​មានការ​បង្ហាញ​អំពី​ការ​កើនឡើង​យ៉ាង​ខ្លាំង​របស់​វា​នៅក្នុង​រយៈពេល​មួយឆ្នាំ​ប៉ុណ្ណោះ​ នេះ​បើ​តាម​ការ​បញ្ជាក់​របស់​ China​ Automotive​ Information​ Net​ (CAIN​) ។


នៅក្នុង​ឆ្នាំ​ 2019​ នេះ​ក្រុមហ៊ុន​ Tesla​ មើលឃើញ​ទីផ្សារ​របស់​ចិន​ផង​ដែរ​។ ហេតុផល​មួយ​នៅក្នុងចំណោម​ហេតុផល​សំ​ខាន់​ៗជាច្រើន​នៃ​ការ​ធ្លាក់ចុះ​នៃ​ទីផ្សារ​នេះ​គឺ​ដោយសារតែ​សង្គ្រាម​ពាណិជ្ជកម្ម​អាម៉េរិក​ចិន​។ តាម​ការ​បញ្ជាក់​នេះ​ យើង​មើលឃើញ​ថា​ក្រុមហ៊ុន​នេះ​អាច​នឹង​មានការ​ចាប់ផ្តើម​យឺត​នៅក្នុង​ខែមករា​ និង​កុម្ភៈ​ ហើយ​វា​ក៏​មានការ​កើនឡើង​ទៅលើ​ការ​ចុះឈ្មោះ​ទិញ​វិញ​នៅក្នុង​ខែមីនា​។


ចាប់តាំងពី​ពេលនោះ​មក​ ក្រុមហ៊ុន​ផលិត​រថយន្ត​នេះ​ក៏​មានការ​កើនឡើង​ខ្លះ​ និង​ធ្លាក់ចុះ​ខ្លះ​ដែរ​រហូតដល់​ខែវិច្ឆិកា​ ឆ្នាំ​ 2019​ នេះ​។ វា​មានការ​ភ័យ​ព្រួយ​ទៅលើ​ការ​ដំឡើង​ពន្ធគយ​រថយន្ត​នៅក្នុង​ប្រទេស​ចិន​ផង​ដែរ​នៅក្នុង​ខែធ្នូ​នេះ​ ហើយ​នេះ​ក៏​ជា​កត្តា​ដែល​មានការ​ជំរុញ​សម្រុក​ទិញ​រថយន្ត​ខ្លាំង​កាលពី​ខែមុន​នេះ​ថែមទៀត​។ នៅក្នុង​ពេល​បច្ចុប្បន្ន​នេះ​ ប្រទេស​ចិន​គឺ​មាន​ទីផ្សារ​រថយន្ត​ធំ​ជាង​ងគេ​បំផុត​នៅក្នុង​ពិភពលោក​ ហើយ​វា​ក៏​ជាទី​ផ្សារ​រថយន្ត​អេ​ឡិច​ត្រូ​និច​ EV​ (Electric​ Vehicles​) ធំជាង​គេ​បំផុត​ផង​ដែរ​នៅក្នុង​ប្រទេស​អាស៊ី​អាគ្នេយ៍​។ ទោះ​យ៉ាងណា​ទីផ្សារ​រថយន្ត​អគ្គិសនី​របស់​ចិន​បាន​ធ្លាក់ចុះ​ចាប់តាំងពី​ ៥ ខែមុន​ ប៉ុន្តែ​វា​ក៏​បង្ហាញ​ពី​រូបភាព​សុទិដ្ឋិនិយម​នៃ​ទីផ្សារ​មួយ​នេះ​ផង​ដែរ​នៅពេល​ដែល​ម៉ាក​យីហោ​រថយន្ត​មួយ​មើលឃើញ​ពី​ការលូតលាស់​ល្អ​នោះ​។


ឥឡូវនេះ​ ភាព​ជោគជ័យ​របស់​ក្រុមហ៊ុន​ Tesla​ នៅក្នុង​ប្រទេស​គឺ​អាស្រ័យ​លើ​រោងចក្រ​សៀងហៃ​ថ្មី​របស់​ក្រុមហ៊ុន​។ រោងចក្រ​នេះ​នឹង​បង្កើត​រោងចក្រ​ដំបូង​នៅ​ក្រៅ​សហរដ្ឋ​អាម៉េរិក​ដែល​អនុញ្ញាត​ឱ្យ​តម្លៃ​ទាប​និង​ជំរុញ​ដល់​តម្រូវការ​រថយន្ត​អគ្គិសនី​របស់​ខ្លួន​នៅក្នុង​តំបន់​។ ប្រទេស​ចិន​គឺជា​ទីផ្សារ​ដ៏​សំខាន់​សម្រាប់​ក្រុមហ៊ុន​ Tesla​ ដោយសារតែ​ប្រទេស​នេះ​មាន​ចំនួន​ជិត​ពាក់​កណ្ដ​ា​លនៃ​ការ​លក់​រថយន្ត​អគ្គិសនី​នៅ​លើ​ពិភពលោក​និង​ជាទី​ផ្សារ​ធំ​បំផុត​សម្រាប់​ក្រុមហ៊ុន​បន្ទាប់ពី​សហរដ្ឋ​អាម៉េរិក​។គួរ​កត់សម្គាល់​ថា​ក្រុមហ៊ុន​ Tesla​ ក៏​កំពុង​ពិចារណា​កាត់បន្ថយ​តម្លៃ​រថយន្ត​ដែល​ផលិត​នៅ​ប្រទេស​ចិន​របស់​ខ្លួន​នៅ​ឆ្នាំ​ 2020​ ដើម្បី​ចាប់​យក​ទីផ្សារ​បាន​កាន់តែ​ប្រសើរ​ជាង​មុន​ថែមទៀត​។ នៅ​ឆ្នាំ​ 2018​ ក្រុមហ៊ុន​ Tesla​ និង​ម៉ាក​យីហោ​ផ្សេងទៀត​ដែល​មាន​មូលដ្ឋាន​នៅ​អាម៉េរិក​ត្រូវ​បាន​គិតថ្លៃ​ពន្ធ​ 25​ ភាគរយ​ដែល​ត្រូវ​បាន​តំ​កល់​វិញ​នៅដើម​ឆ្នាំ​ 2019​ បន្ទាប់ពី​សហរដ្ឋ​អាម៉េរិក​ និង​ចិន​បាន​ឈាន​ដល់​កិច្ច​ព្រមព្រៀង​ពាណិជ្ជកម្ម​។ ជាចុងក្រោយ​ ឆ្នាំ​ 2020​ នឹង​មាន​សារៈសំខាន់​ខ្លាំង​ណាស់​សម្រាប់​ក្រុមហ៊ុន​ Tesla​ និង​ឧស្សាហកម្ម​ EV​ ដែល​ត្រូវ​បាន​គេ​រំពឹង​ថា​នឹង​រីក​ដុះដាល​នៅ​ឆ្នាំក្រោយ​នេះ​ជាក់ជា​មិនខាន​៕

សូមណែនាំអត្ថបទសម្រាប់អ្នក