ក្រុមហ៊ុន​ Rolls​-Royce​ បាន​បំបែក​នូវ​កំណត់ត្រា​ថ្មី​នៅក្នុង​ឆ្នាំ​ 2019​ នៅក្នុង​ការ​លក់​រថ​យន្ត​ម៉ូ​ឌែល​ Rolls​-Royce​ Cullinan​

ក្រុមហ៊ុន​ផលិត​រថយន្ត​ Rolls​-Royce​ គឺ​ចាប់ផ្តើម​ឆ្នាំ​ថ្មី​ជាមួយនឹង​គោលដៅ​ថ្មី​ដែល​ខ្ពស់​មែនទែន

Chom Penglin
09 មករា 2020
10:41 pm
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

ក្រុមហ៊ុន​ផលិត​រថយន្ត​ Rolls​-Royce​ គឺ​ចាប់ផ្តើម​ឆ្នាំ​ថ្មី​ជាមួយនឹង​គោលដៅ​ថ្មី​ដែល​ខ្ពស់​មែនទែន​។ កាលពី​ឆ្នាំមុន​នេះ​ ក្រុមហ៊ុន​ផលិត​រថយន្ត​ប្រណិត​នេះ​ លក់​រថយន្ត​បាន​ច្រើនជាង​ 5,152​ គ្រឿង​ សម្រាប់​អតិថិជន​ជាច្រើន​ដែល​មាននៅ​ច្រើនជាង​ 50​ ប្រទេស​នៅ​ជុំវិញ​ពិភពលោក​។ ការ​លក់​របស់​ក្រុមហ៊ុន​ផលិត​រថយន្ត​នេះ​ គឺ​មានការ​កើនឡើង​ដល់ទៅ​ 25​% បើ​ធៀប​ទៅ​នឹង​ឆ្នាំ​ 2018​។ អ្វី​ដែល​គួរ​អោយ​កត់សម្គាល់​នោះ​ នេះ​គឺជា​តួរ​លេខ​នៃ​ការ​លក់​ដ៏​ខ្ពស់​បំផុត​របស់​ក្រុមហ៊ុន​ផលិត​រថយន្ត​នេះ​នៅក្នុង​ប្រវត្តិ​សាស្រ្ត​នៃ​រយៈពេល​ 116​ ឆ្នាំនេះ​។

 
រូបភាព Automotive Cambodia

សម្រាប់​ឆ្នាំ​ 2019​ នេះ​គឺជា​លើកដំបូង​សម្រាប់​រថយន្ត​ Rolls​-Royce​ Cullinan​ ដែល​មានការ​ពេញនិយម​ទៅលើ​ការ​លក់​ពេញ​មួយឆ្នាំ​តែម្តង​។ ក្រុមហ៊ុន​ផលិត​រថយន្ត​របស់​ចក្រភព​អង់គ្លេស​នេះ​ បាន​និយាយ​ថា​ តម្រូវការ​ខ្ពស់ទៅ​លើ​រថយន្ត​ប្រណិត​ SUV​ នេះ​គឺជា​ការ​រួមចំណែក​ទៅលើ​កំណើន​នៃ​ការ​លក់​នេះ​ដែល​ខ្ពស់​ជាង​ការ​រំពឹង​ទុក​ថែមទៀត​។ ក្រុមហ៊ុន​ Rolls​-Royce​ នៅ​មិនទាន់​បញ្ជាក់​អំពី​តួរ​លេខ​នៃ​ការ​លក់​រថយន្ត​ Cullinan​ នេះ​ទេ​ដែល​វា​មានតម្លៃ​ចាប់ផ្តើម​គឺ​ $325​,000​ ប៉ុន្តែ​សម្រាប់​រថយន្ត​ SUV​ នេះ​បាន​ក្លាយជា​រថយន្ត​ដែល​លក់ដាច់​បំផុត​នៅក្នុង​ចំ​នោម​រថយន្ត​ជាច្រើន​របស់​ Rolls​-Royce​ ជា​លក្ខណៈ​ប្រវត្តិ​សាស្រ្ត​ទៅ​ហើយ​។ ពេលនេះ​ តម្រូវការ​ទៅលើ​រថយន្ត​SUVs​ ប្រណិត​ពិតជា​ខ្ពស់​មែនទែន​។

 ​
រូបភាព Automotive Cambodia

លោក​ Torsten​ Müller​-Ötv​ös ដែល​ជា​ CEO​ របស់​ក្រុមហ៊ុន​ Rolls​-Royce​ Motor​ Cars​ បាន​និយាយ​ថា​ សម្រាប់​សមត្ថភាព​នៃ​ការ​លក់​របស់​រថយន្ត​នេះ​ គឺ​ខុសប្លែក​ពី​ការ​លក់​កាល​ពី​ឆ្នា​មុន​នេះ​។ ខណៈ​ពេល​ដែល​យើង​ធ្វើការ​អបអរ​ទៅ​នឹង​លទ្ធផល​នេះ​ យើង​សន្យា​ជាមួយនឹង​អតិថិជន​ជាច្រើន​របស់​យើង​ក្នុង​ការ​រក្សា​នូវ​ម៉ាក​យីហោ​របស់​យើង​អោយ​កាន់តែ​អស្ចារ្យ​ និង​ផ្តាច់​មុខ​ថែមទៀត​។ យើង​រីករាយ​ណាស់​ដែល​ឆ្នាំ​ 2019​ នេះ​មានការ​កើនឡើង​ 25​% ។ តម្រូវការ​ពិភពលោក​សម្រាប់​ឆ្នាំមុន​នេះ​ ទៅលើ​រថយន្ត​ Cullinan​ SUV​ គឺ​ពិតជា​ខ្ពស់​មែនទែន​ ហើយ​វា​នឹង​បន្តម​កទៀត​សម្រាប់​ឆ្នាំ​ 2020​ នេះ​។

 ​
រូបភាព Automotive Cambodia

“ នេះ​គឺជា​សក្ខីភាព​ដ៏​លេចធ្លោ​មួយ​ចំពោះ​គុណភាព​និង​ភាព​ស្មោះត្រង់​នៃ​ផលិតផល​របស់​យើង​ជំនឿ​ និង​ចំណង់​ចំណូលចិត្ត​របស់​អតិថិជន​របស់​យើង​ហើយ​សំខាន់​ជាង​នេះ​ទៅទៀត​ជំនាញការ​លះបង់​ និង​ការ​ប្តេជ្ញា​ចិត្ត​របស់​ក្រុម​ពិសេស​របស់​យើង​នៅ​ឯ Home​ of​ Rolls​-Royce​  ​;នៅ​ Goodwood​ និង​នៅ​ជុំវិញ​ពិភពលោក​ និង​បណ្តាញ​អ្នក​ចែកចាយ​សកល​របស់​យើង​ជាក់ជា​មិនខាន​។

 ​

សម្រាប់​រថយន្ត​ Rolls​-Royce​ Phantom​, Dawn​និង​ Wraith​ ក៏​មាន​តម្រូវការ​ខ្ពស់​ផង​ដែរ​សម្រាប់​ពេញ​មួយឆ្នាំ​នេះ​ ខណៈ​ពេល​ដែល​តម្រូវការ​របស់​ពិភពលោក​សម្រាប់​រថយន្ត​ Rolls​-Royce​ Bespoke​ ក៏​មានកម្រិត​ខ្ពស់​ផង​ដែរ​នៅក្នុង​ឆ្នាំ​ 2019​ នេះ​។ មួយ​នៅក្នុងចំណោម​នេះ​គឺជា​រថយន្ត​ Zenith​ Collector's​ Edition​ របស់​ Rolls​-Royce​ Ghos​ ដែល​មានតែ​ 50​ គ្រឿង​ប៉ុណ្ណោះ​។ សម្រាប់​រថយន្ត​ជំនាន់​បន្ទាប់​របស់​ Rolls​-Royce​ Ghost​ នឹង​ប្រកាស​បង្ហាញខ្លួន​នៅក្នុង​ពាក់កណ្តាល​ឆ្នាំ​ ២០២០​ នេះ​ ហើយ​វា​នឹង​ដាក់​លក់​នៅក្នុង​ត្រីមាស​ទី​ 4 ខាងមុខនេះ​។ តាម​ការ​បញ្ជាក់​របស់​ក្រុមហ៊ុន​ Rolls​-Royce​ សម្រាប់​ម៉ូ​ឌែល​ថ្មីនេះ​នឹង​ធ្វើការ​ពង្រីក​ទៅលើ​កេរ្តិ៍ឈ្មោះ​ របស់​រថយន្ត​ត្រកូល​ Ghost​ នេះ​ ជាក់ជា​មិនខាន​៕

 ​

 ​

 ​

សូមណែនាំអត្ថបទសម្រាប់អ្នក