រថយន្តPick Up ទាំង​3ប្រភេទនេះជាប់ងារជាកំពូលអធិរាជរថយន្ត Off-Road ប្រចាំឆ្នាំ2019?

រថយន្តទាំង3ប្រភេទនេះ ជាប់ពានរង្វាន់ CarBuss Awards 2019 មែនឬ?

sambo 2019
01 កុម្ភ: 2020
10:00 pm
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

ឆ្នាំ​2019 កន្លងទៅ ទីផ្សារ​រថយន្ត Pick Up ប្រភេទ Off-Road ហាក់​កញ្ជ្រោកទីផ្សារ​រថយន្តពិភពលោកមិន​ណយទេ សឹងតែគ្រប់ក្រុមហ៊ុនដែល​មាន​ឈ្មោះ​ល្បីល្បាញ បាន​ផលិត​រថយន្តប្រភេទនេះ​ ដើម្បី​បំពេញ​តាម​សេចក្ដីត្រូវ​ការ​របស់អតិថិជនរបស់ខ្លួន។

ស្រាប់តែ​ពេលថ្មីៗនេះ មាន​ការ​ចុះផ្សាយថា រថយន្តទាំងនេះ បានក្លាយជាម្ចាស់​ពានរង្វាន់ CarBuss Awards 2019 ផ្នែក Off-Road មានដូចជា៖ រថយន្ត Ford F-150 Raptor 2019  រថយន្ត Jeep Gladiator 2020 និង​រថយន្ត Toyota 4Runner TRD Pro 2020 ។ តាមពិតទៅ បើនិយាយដល់ប្រភេទរថយន្ត Off-Road មិនមែន​មានតែ3ប្រភេទខាងលើនេះទេ គឺ​នៅ​មាន​ប្រភេទ​រថយន្តគូប្រជែងម៉ាកល្បីៗផ្សេងទៀត ដែលទំនងជាប់​ជារថយន្តបើកបរផ្លូវលំបាកៗនេះ ដូចជា Chevrolet Silverado Trailboss, រថយន្ត GMC Sierra Heavy Duty AT4 រថយន្ត Mercedes-Benz G550 និង​រថយន្ត Toyota Land Cruiser ជាដើម។

តាមពិត ពានរង្វាន់ CarBuss Awards 2019 ដែល​បានធ្លាក់ទៅលើ​រថយន្តទាំង3 ស៊េរីនេះ ដោយសារ​ផ្នែកទៅលើការ​វាយតម្លៃទៅលើសមត្ថភាពនៃ កម្លាំងម៉ាស៊ីន ប្រព័ន្ធទប់លំនឹង និងទំហំ​ រួមទាំង​បច្ចេកវិទ្យាទំនើប ដែលបំពាក់មកជាមួយ។

រថយន្ត Ford F-150 Raptor ឆ្នាំ2019

តួឯកលើ​ដងផ្លូវ Ford F-150 Raptor ជំនាន់ទី2 របស់ក្រុមហ៊ុន FORD នេះ បំពាក់ដោយ​ម៉ាស៊ីនសាំង ចំណុះ 3.5លីត្រ ប្រភេទ EcoBoost twin-turbo ស៊ីឡាំង6 និង​មាន​កម្លាំង 450សេស និង​ប្រើ​ប្រាស់ប្រអប់លេខ 10លេខ អូតូ។ បច្ចេកវិទ្យា ដែលបំពាក់លើ F-150 2019 ឲ្យ​បើកបរបាន​ល្អ ក្នុងស្ថានភាពផ្លូវ Off-Road គ្រប់ប្រភេទបានយ៉ាងរលូននេះមានដូចជា៖ Fox Racing suspension, adaptive dampers, Recaro racing seats, Trail Control និងប្រព័ន្ធ Cruise control system ជាដើម។

រថយន្ត Jeep Gladiator ឆ្នាំ2020

រថយន្ត Jeep ប្រភេទ​Pick Up ផលិត​ដំបូងតាំង​ពី ឆ្នាំ1992 មកម៉្លេះ ក្នុងនោះ រថយន្ត Jeep Wrangler និង Jeep Gladiator ឌីហ្សាញរូបរាងចេញមក​មាន​ ភាពទាក់ទាញជាងគេ។ Jeep Gladiator ឆ្នាំ2020 ផលិត​ចេញ​មក​ពីរជម្រើស គឺម៉ាស៊ីនចំណុះ 3.6លីត្រ ប្រភេទ Pentastar ស៊ីឡាំង6 កម្លាំង285សេស ប្រអប់លេខ 8អូតូ និង6លេខដៃ។ មួយប្រភេទទៀត ម៉ាស៊ីនចំណុះ 3.0លីត្រ ប្រភេទTwin-turbo ស៊ីឡាំង6 កម្លាំង260សេស។

រថយន្ត Toyota 4Runner TRD Pro ឆ្នាំ2020

Toyota 4Runner TRD Pro 2020 បាន​បំពាក់​នូវ​បច្ចេកវិទ្យាទំនើបៗចុងក្រោយរបស់ក្រុមហ៊ុន Toyota ផ្ទាល់ ដូចជា Toyota Safety Sense P (TSS-P), Pre-collision System, Land departure alert, Automatic high beams, និង Adaptive Cruise Control រួមទាំង​បច្ចេកវិទ្យា Apple CarPlay និងAndroid Auto ថែមទៀតផង។ Toyota 4Runner TRD Pro បំពាក់ម៉ាស៊ីនចំណុះ 4.0លីត្រ ស៊ីឡាំង6 កម្លាំង 270សេស និងមានបំពាក់នូវ​លក្ខណៈពិសេសជាច្រើនផ្សេងទៀត លើសពីស៊េរីមុនៗ៕

សូមណែនាំអត្ថបទសម្រាប់អ្នក