ទិញ​រថយន្ត Rolls-Royce មួយគ្រឿងជិះសិនទើប​អាចចូលប្រើ Appលំដាប់អភិជននេះបាន (មានវីដេអូ)

អាចនិយាយថា ជាកម្មវិធីលើទូរស័ព្ទដៃលំដាប់អភិជនរបស់ក្រុមហ៊ុន Rolls-Royce

sambo 2019
27 កុម្ភ: 2020
06:54 pm
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

ក្រុមហ៊ុន Rolls-Royce មិនត្រឹមតែ​ផលិត​រថយន្តលំដាប់អភិជនប៉ុណ្ណោះទេ តែពេលនេះបាន​អភិវឌ្ឍន៍កម្មវិធី App លើទូរស័ព្ទ​ដៃមួយថ្មីចែស ឈ្មោះ« Rolls-Royce Whispers»សម្រាប់​តែ​អតិថិជន​ ដែល​ជា​ម្ចាស់​រថយន្ត Rolls-Royce ស៊េរីថ្មីទើប​អាច​ចូលប្រើប្រាស់បាន។

តើ​កម្មវិធី «Rolls-Royce Whispers» លើទូរស័ព្ទដៃមានប្រយោជន៍អ្វីខ្លះ?

បច្ចុប្បន្នកម្មវិធី Whispers នេះ បាន​ដាក់​ឲ្យ​ដំណើរការ​ក្នុង​ចក្រភពអង់គ្លេស អ៊ឺរ៉ុប អាមេរិកកណ្ដាល និងសហរដ្ឋអាមេរិករួចមកហើយ។ អាចនិយាយបានថា ​«Rolls-Royce Whispers» ជាកម្មវិធីបណ្ដាញសង្គមលើទូរស័ព្ទដៃមួយប្រភេទ ដែល​មានមាតិកាមួយចំនួនដូចជា Luxury items, experiences, ជាពិសេសក៏​មាន​ការ​ចែករំលែកនូវ​គំនិតយោបល់ បទពិសោធន៍ការងារ ទំនាក់ទំនងពាណិជ្ជកម្ម និង​បង្កើត​ទំនាក់ទំនង​រវាង​អតិថិជន​របស់​ Rolls-Royce ទាំងអស់បានផងដែរ។

លោក Torsten Muller-Otvos នាយកប្រតិបត្តិ​របស់ Rolls-Royce មានប្រសាសន៍ថា៖ «នេះ​គឺ​ជា​មាតិកា​ឌីជីថលមួយ ដែល​បើក​ឱកាស​ជូន​ដល់​អតិថិជន​របស់ Rolls-Royce ទាំងអស់អាច ស្វែង​យល់​ពី​ផលិតថ្មីៗរបស់​ក្រុមហ៊ុន ចែករំលែក​បទពិសោធន៍ទូទៅ​ជាមួយគ្នា ជាពិសេស​ពួកគាត់ ក៏​អាច​ចែករំលែក​ពីភោជនីយដ្ឋាន សណ្ឋាគារ និង​កន្លែងកម្សាន្ត​ល្បីៗជុំវិញពិភពលោកដល់ម្ចាស់រថយន្ត Rolls-Royce គ្នាគាត់បាន​ស្គាល់ផងដែរ​»៕ 


សូមណែនាំអត្ថបទសម្រាប់អ្នក