តារារ៉េបអាមេរិច លោក Jay Z ប្រើ​រថយន្ត​ម៉ាក Maybach Exelero តម្លៃ8.8លានដុល្លារ

ញាក់សាច់ទ្រើតៗ!

sambo 2019
15 មេសា 2020
07:02 pm
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

កំពូលតារា​រ៉េបលំដាប់អន្តរជាតិ លោក Jay Z ត្រូវ​បាន​គេ​ទម្លាយឲ្យដឹងថា សព្វថ្ងៃគាត់​កំពុង​ប្រើប្រាស់​រថយន្តម៉ាក Mercedes Maybach Exelero ដែល​មាន​តម្លៃ​រហូត​ដល់ 8.8លានដុល្លារ។ យោង​តាម ការ​ចុះផ្សាយរបស់ ទស្សនាវត្ដី Forbes នៅអាមេរិច បាន​បញ្ជាក់ថា គិតត្រឹមឆ្នាំ2020នេះ ម្ចាស់បទ​ចម្រៀង Hard Knock Life និង 99 Problems រូបនេះ មាន​ទ្រព្យសម្បត្តិសរុប 1ពាន់លានដុល្លារសហរដ្ឋអាមេរិច។

រូបភាព Automotive Cambodia

ដូច្នេះ​គិតពីធនធានដែលមានក្នុងដៃ កុំថា​ឡើយរថយន្តតម្លៃខ្ទង់ជិត 10លានដុល្លារខាងលើ ទោះ​លើសនេះ ក៏មិនមែនជា​បញ្ហា​ចោទសម្រាប់​កំពូលតារារ៉េបស្បែកខ្មៅរូបនេះដែរ។ ងាក​មក​ចាប់អារម្មណ៍នឹង​ប្រភេទ​រថយន្តផលិត​នៅ​ប្រទេស​អាល្លឺម៉ង់ ម៉ាក Mercedes Maybach Exelero វិញ គឺ​ជាប្រភេទ​រថយន្តដែល​ថ្លៃជាងគេ ក្នុង​ចំណោម​រថយន្តម៉ាកល្បីៗផ្សេងទៀត ដែល​ជាកម្មសិទ្ធិរបស់លោក Jay Z ។ រថយន្តនេះ បំពាក់​ដោយ​ម៉ាស៊ីន twin-turo ចំណុះ 5.9លីត្រ ស៊ីឡាំង12 កម្លាំង​ 690សេះ និង​មាន​កម្លាំងរមួយដល់ទៅ 752ញ៉ូតុនម៉ែត្រ។ ល្បឿន​អតិបរិមារថយន្តនេះ អាច​បើក​បាន​រហូត​ដល់ 350 km/h ហើយ​មាន​ទម្ងន់សរុប​ដល់ទៅ 2,660kg។

រូបភាព Automotive Cambodia


រថយន្តដ៏ប្រណីតនេះ លំដាប់អភិជននេះ ត្រូវ​បានក្រុមហ៊ុន Mercedes-Benz ​​ផលិត​ក្នុង​ចំនួនកំណត់ រង្វង់ជាង 10គ្រឿងប៉ុណ្ណោះ។ រថយន្តនេះ ត្រូវ​បាន​គេ​លក់​ទៅ​ឲ្យ​បុគ្គលល្បីៗ ដោយ​លាក់ការ​សម្ងាត់ មិន​សូវ​ឲ្យខ្ចរខ្ចាយច្រើនទេ ដើម្បី​រក្សា​សិទ្ធិ​ឯកជនរបស់អតិថិជនខ្លួន៕ 

ប្រភព៖ telehealthdave

សូមណែនាំអត្ថបទសម្រាប់អ្នក