រថយន្ត McLaren 765LTស៊េរីថ្មីសម្រកទម្ងន់កាន់តែស្រាលនៅសល់ត្រឹម1តោនលើសបន្តិចប៉ុណ្ណោះ

ឮថាប្រុង​លើកពានរថយន្តស្រាលជាងគេផង!

sambo 2019
25 មេសា 2020
06:42 pm
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

រថយន្តប្រភេទ Supercar ស៊េរីថ្មី ម៉ាក McLaren  765LT នឹង​ផលិត​ចេញ​មក​ មានទម្ងន់កាន់​តែ​ស្រាលស៊ីដាច់​គូរប្រកួតប្រជែងផ្សេងៗ ដោយ​ទម្ងន់​សរុបនៃ​រថយន្តនេះ នឹង​កាត់​បន្ថយ 80 kg ចេញ នៅសល់​ត្រឹម 1,229 kg  តែប៉ុណ្ណោះ។ នេះ​បើ​តាម​ការ​បញ្ជាក់​របស់ នាយកប្រតិបត្តិរបស់ក្រុមហ៊ុន លោក Mike Flewitt។ CEO រូបនេះ ​សង្កត់ធ្ងន់ថា៖ ការផលិត​រថយន្ត McLaren ស៊េរី ឲ្យកាន់តែ​ស្រាល  គឺ​ជា​អទិភាព​ចម្បងរបស់ក្រុមហ៊ុន។ ប៉ុន្តែ​ចំពោះ​កម្លាំង​វិញ នឹង​កាន់តែ​ខ្លាំង និង​កាន់​តែ​បើកបរ​បាន​ល្អ សក្តិសមជាប្រភេទរថយន្តប្រណាំង Supercar ដ៏មានអនុភាពដដែល។

 

រថយន្ត McLaren  765LT ស៊េរីក្រោយ ដែល​មាន​ទម្ងន់ខ្លួនសរុប 1តោនជាងនេះ បំពាក់​នូវ​ម៉ាស៊ីនប្រភេទ twin-turbo ស៊ីឡាំង8 កម្លាំង 755សេះ នឹង​មាន​ទម្ងន់ស្រាលជាង McLaren 720s រហូត​ដល់ 80 kg ដែល​ធ្វើ​ឲ្យរថយន្តនេះ មានតួខ្លួនកាន់តែស្រាល និង​បើកបរ​បាន​កាន់តែ​លឿន ចាក់​ខ្យល់​បាន​កាន់តែ​ល្អ លើស​ស៊េរីមុនៗថែមមួយកម្រិតទៀត។ អំបូរ​រថយន្ត McLaren ជាទូទៅអាច​បើកបរ​បាន​ដល់​ល្បឿន 341 km/h ហើយ​អាច​បង្កើនល្បឿន ពី0-60 mph ត្រឹមតែ 2.9វិនាទីប៉ុណ្ណោះ។ ក្រុមហ៊ុន​ផលិត​រថយន្ត Supercar ដដែលនេះ ក៏​បាន​បង្ហើប​ប្រាប់​ពីគម្រោង ផលិត​រថយន្តម៉ាស៊ីន hybridized Model ដែរ តែ​ថានឹង​ចាប់ផ្ដើម​ផលិត​ក្នុង ​ឆ្នាំ2025។ McLaren Automotive គឺ​ជា​ក្រុមហ៊ុនផលិត​រថយន្ត​បែប Supercars ដ៏​ល្បីល្បាញ នៅ​ចក្រភពអង់គ្លេស ហើយ​រថយន្តរបស់ក្រុមហ៊ុននេះ តែង​តែ​ត្រូវ​បាន​គេ​យក​ទៅ​ចូលរួមប្រណាំងក្នុង​ព្រឹត្តិការណ៍ប្រណាំង​រថយន្តធំៗ លំដាប់ពិភពលោក ដូចជា Formula One ជាដើម៕

ប្រភព៖ CarBuzz