Cadillac Escalade ស៊េរីឆ្នាំ2021 លេចមុខ​ឡង់សេមុនចេញលក់ផ្លូវការលេងសុទ្ធតែឈុតកង់ក្រោះព្រិលរុំច្រវាក់

ល្មម​ចេញoff-road !

sambo 2019
09 ឧសភា 2020
09:01 pm
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

ទោះ​បី​ជា មិន​ទាន់​បង្ហាញ​ខ្លួន​ផ្លូវ​ការ ក្នុង​ឆ្នាំ2020នេះក្ដី ប៉ុន្តែរថយន្ត Cadillac Escalade ស៊េរីឆ្នាំ2021 ត្រូវបានគេ​បង្ហាញ​​មុខឡង់សេមុន អម​ដោយការច្នៃ​កង់ប្រភេទក្រោះ រុំ​ច្រវាក់​ព្រិលទឹកកកលើ​កង់ទាំងបួន ទុក​បើកបរ​លើ​ផ្លូវ off-road យ៉ាង​ឡូយបាត់ទៅហើយ។

រថយន្ត SUV ស៊េរី​ឆ្នាំ2021 នេះនឹង​មាន​ការ​បំពាក់​នូវ​ចំណុច​​ពិសេសៗជាច្រើន ដូចជា អេក្រង់កោងប្រភេទ OLED ទំហំ 38អ៊ីញ មុខងារ Super Cruise driving assist នៅ​លើ​ដៃចង្កូតជាដើម។ បន្ថែមពីនេះ ប្រព័ន្ធបូម ក៏​ត្រូវ​បំពាក់​ជាមួយ​បូមខ្យល់ឆ្លាតវៃ អាច​សារ៉េឡើងចុះ​ដោយស្វ័យប្រវត្តិ តម្រូវទៅតាម​ស្ថានភាពផ្លូវដូចជា ផ្លូវ Highway ឬផ្លូវ off-road ជាដើម។

រូបភាព Automotive Cambodia

រូបរាង​ហាប់ណែន និងរឹងមាំ ដែល​ត្រូវ​បាន​គេ​កែច្នៃលើ​រថយន្ត Cadillac Escalade នេះ ជា កញ្ចប់ប្រភេទ Premium Luxury សម្រាប់បើកបរលើផ្លូវ off-road ជាពិសេស ហើយ​ចំពោះតម្លៃ​រថយន្តពេញខ្នាត SUVនេះ នឹង​មាន​តម្លៃ​ចាប់ពី 85,695$ ឡើង ។ Cadillac Escalade ឆ្នាំ2021អាច​នឹង​បំពាក់មកជាមួយម៉ាស៊ីនពីរជម្រើស ​គឺប្រភេទ​ម៉ាស៊ីនចំណុះ 6.2លីត្រ ស៊ីឡាំង8 កម្លាំង 420សេះ ឬ​ក៏ ម៉ាស៊ីនម៉ាស៊ូត ចំណុះ 3.0លីត្រ turbo កម្លាំង 277សេះ ៕

ប្រភព៖ Carbuzz