កំពូលរថយន្ត off-road ពេញនិយមជាងគេលើពិភពលោកប្រចាំឆ្នាំ2020 នៅខ្មែរ​ក៏មាន​ប្រើច្រើនដែរ

នេះនែ! រថយន្ត off-road ល្បីៗលើពិភពលោក

sambo 2019
12 ឧសភា 2020
06:35 am
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

ថ្ងៃនេះគេហទំព័រ Automotivecambodia សូមលើក​យក​នូវ​ប្រភេទ​រថយន្ត off-road ល្បីៗ ដែល​គេ​ចូលចិត្ត​ជិះ មក​បង្ហាញជូន​ប្រិយមិត្តអ្នក​ចូលចិត្ត តាម​ដាន​ព័ត៌មាន​រថយន្តឲ្យបាន​ជ្រាប។ កាលណាគេនិយាយ ដល់​រថយន្តប្រភេទ off-road គេ​នឹង​និយាយ​ ដល់អនុភាពនៃម៉ាស៊ីនខ្លាំង ប្រព័ន្ធរង្វិលកង់ ប្រព័ន្ធបូម ប្រណិតភាព និង​បច្ចេកវិទ្យា ដែល​អាច​បញ្ជាឲ្យរថយន្ត បើកបរ​បាន​គ្រប់ស្ថានភាពផ្លូវ ដូចជា មានសមត្ថភាពអាច បើកកាត់ផ្លូវខ្សាច់ ចុះទឹក កាត់ព្រិល ជ្រែកភក់ និង​ឡើង​ចុះ​ភ្នំជាដើម។

ខាងក្រោមនេះ ជា​ប្រភេទ​រថយន្ត ដែល​​គេ​ពេញនិយម​យក​ទៅ off-road ច្រើនជាងគេ៖


1.   Ford F-150 Raptor

រថយន្តនេះ មាន​ម៉ាស៊ីនចំណុះ 3.5លីត្រ EcoBoost កម្លាំង450សេះ ស៊ីឡាំងV6 មានមុខងារ terrain-management system អាចជ្រើសរើស​បើកបរ​បាន​គ្រប់ស្ថានភាពផ្លូវ ប្រើប្រព័ន្ធបូមប្រភេទ FOX Racing Shox ដ៏រឹងមាំ កង់ស្តង់ដាររថយន្ត off-road ទំហំ 34អ៊ីញ។


2.   Land Rover Defender

រថយន្ត Land Rover Defender ជា​ដៃគូរ​ប្រកួត​ប្រជែងដ៏​ស្វិតស្វាញជាមួយរថយន្ត Jeep Wrangler។ រថយន្តនេះ បើកបរ​ដោយ​កង់ទាំង4 ផលិត​មកមានពីរប្រភេទ គឺប្រភេទ​ទ្វារ2 និង​ទ្វារ4។ ប្រភេទទ្វារ2 បំពាក់ម៉ាស៊ីនចំណុះ 2.0លីត្រ turbocharged ស៊ីឡាំង4 កម្លាំងអតិបរមា 296សេះ កម្លាំងរមួល 295ញ៉ូតុនម៉ែត្រ។ ដោយឡែកសម្រាប់ Land Rover Defender ទ្វារ4វិញ បំពាក់​មក​ជាមួយម៉ាស៊ីនចំណុះ 3.0លីត្រ turbocharged ពាក់កណ្ដាល hybrid ជំនួយម៉ាស៊ីន ផ្ដល់កម្លាំង 395សេះ និង​កម្លាំងរមួល 406ញ៉ូតុនម៉ែត្រ ។


3.   Jeep Wrangler

មានរូបរាង​ជ្រុងៗ រថយន្ត Jeep Wrangler បើកបរ​ដោយ​កង់​ទាំង4 បំពាក់ម៉ាស៊ីនកម្លាំង 3.6លីត្រ ស៊ីឡាំង6 កម្លាំងអតិបរមា 285សេះ និង​កម្លាំងរមួល 260ញ៉ូតុនម៉ែត្រ។ ទន្ទឹមគ្នានេះ ក៏​មានប្រភេទ Jeep Wrangler ម៉ាស៊ីនតូច​ជាងនេះ បំពាក់ម៉ាស៊ីនចំណុះ 2.0លីត្រ turbo-four កម្លាំង 270សេះ និងកម្លាំងរមួល 295ញ៉ូតុនម៉ែត្រ។


4.   Toyota 4Runner TRD Pro

រថយន្ត Full SUV ស៊េរីថ្មីនេះ លក់​ដាច់ខ្លាំងណាស់នៅទីផ្សារសហរដ្ឋអាមេរិច និងអឺរ៉ុប ដោយ​សារ​តែ​កម្លាំងម៉ាស៊ីនខ្លាំង ចំណុះដល់ទៅ 4.0លីត្រ ស៊ីឡាំង6 អាច​បង្កើនកម្លាំងអតិបរមាដល់ 270សេះ និង​កម្លាំងរមួល 278ញ៉ូតុនម៉ែត្រ បើកបរ​ដោយ​កង់ទាំង4 ។ ហើយ​សម្រាប់​ប្រព័ន្ធបូមវិញ Toyota 4Runner TRD Pro ប្រើជាមួយបូមប្រភេទ Kinematic Dynamic System អាច​បើកបរ​បាន​គ្រប់ស្ថានភាពផ្លូវ។


5.   Jeep Gladiator

ជា​ប្រភេទ​រថយន្តអំបូរ Jeep ជាមួយ Jeep Wrangler រថយន្ត Jeep Gladiator ក៏ជាប្រភេទ​រថយន្តស្ថិត​ក្នុងជម្រើស off-road ដ៏ពេញនិយម ដោយសារ​តែ​រថយន្តនេះ បំពាក់ម៉ាស៊ីនធំចំណុះ 3.6លីត្រ ស៊ីឡាំង6 កម្លាំង 285សេះ និង​កម្លាំងរមួល 260ញ៉ូតុនម៉ែត្រ។ បន្ថែមពីនេះ ក៏​មាន​ជម្រើស​ម៉ាស៊ីនប្រភេទម៉ាស៊ូត EcoDiesel កម្លាំង 260សេះ កម្លាំងរមួល 442ញ៉ូតុនម៉ែត្រផងដែរ។


6.   Toyota Land Cruiser

រថយន្តប្រភេទ SUV ពេញខ្នាតដ៏រឹងមាំ របស់ក្រុមហ៊ុន Toyota មួយនេះ ក៏ត្រូវ​បាន​គេ​យក​ទៅលេង off-road មិន​តិចដែរ។ Toyota Land Cruiser បំពាក់ម៉ាស៊ីនចំណុះ 5.7លីត្រ ស៊ីឡាំង8 កម្លាំងអរិបរមា 381សេះ រួមទាំងប្រព័ន្ធប្រអប់លេខ 8វគ្គស្វ័យប្រវត្តិ និង​ប្រើ​ជាមួយបូមប្រភេទ Robust ។ មិនថាបើក off-road ឬ​ផ្លូវ​លាត រថយន្តនេះ នៅ​តែ​មាន​ភាពស្រស់ស្អាត ទំនើប ស៊ីវិល័យ ធ្ងន់ បើកបរនឹងល្អ និយាយរួមចុះចំណោម គ្រប់​ស្ថានភាពនៃ​ការ​បើកបរមួយកំប្លេរតែម្ដង។


7.    Range Rover

រថយន្តដ៏ប្រណិតផលិត​នៅ​ចក្រភពអង់គ្លេសទាំងពីរស៊េរីនេះ ឌីហ្សាញ​ចេញមកស្រស់ស្អាត ស៊ីវិល័យ ទំនើប បើកបរ​បាន​គ្រប់ស្ថានភាពផ្លូវ។ Range Rover បំពាក់​នូវ​ម៉ាស៊ីនចំណុះ 5.0លីត្រ ស៊ីឡាំង8 កម្លាំងខ្លាំងដល់ទៅ 557សេះ និង​កម្លាំងរមួល 516ញ៉ូតុនម៉ែត្រ ដំណើរការដោយ​កង់ទាំង4 ។


8. Toyota Tacoma TRD Pro

ក្រុមហ៊ុន Toyota បាន​ផលិត​រថយន្តអំបូរ off-road មក​ច្រើន​ស៊េរីមែន សូម្បី​តែប្រភេទ Toyota Tacoma TRD Pro ក៏ត្រូវ​បាន​អ្នកនិយម​លេង​រថយន្ត យក​ទៅ off-road ជ្រើសរើសដែរ។ រថយន្តនេះ មាន​បំពាក់នូវ​មុខងារ off-road traction system ដំណើរការ​ដោយ​កង់​ទាំង4 ប្រើ​ជាមួយប្រព័ន្ធបូម Bilstein Shocks មានមុខងារបើកបរ​បាន​គ្រប់ស្ថានភាពផ្លូវ ម៉ាស៊ីនចំណុះ 3.5លីត្រ ស៊ីឡាំង6 កម្លាំងអតិបរមា 278សេះ កម្លាំងរមួល 265ញ៉ូតុនម៉ែត្រ។


9.   Mercedes-Benz G-Class

គោលគំនិត​នៃការ​ឌីហ្សាញរថយន្តនេះ ដំបូង​ប្រើ​សម្រាប់​បម្រើ​ក្នុងវិស័យយោធា តែ​ដោយសារ​តែ​រូបរាងដ៏ស្រស់ស្អាតប្លែកលេចធ្លោរ បាន​ធ្វើ​ឲ្យប្រជាប្រិយភាព​របស់ Mercedes-Benz G-Class កាន់តែ​មាន​ការ​គាំទ្រជាសកល។ រថយន្ត​ផលិត​នៅ​ប្រទេស​អាល្លឺម៉ង់នេះ ដំណើរការ​ដោយ​កង់ទាំង4 បំពាក់ម៉ាស៊ីន twin-turbo ចំណុះ 4.0លីត្រ ស៊ីឡាំង8 កម្លាំងអតិបរមា 416សេះ និង​កម្លាំងរមួល 450ញ៉ូតុនម៉ែត្រ។ សម្រាប់​ម៉ូឌែល Mercedes-Benz AMG វិញ បំពាក់ម៉ាស៊ីនកាន់តែ​ខ្លាំង គឺ​ឡើងដល់ 577សេះ និង​កម្លាំងរមួល 627ញ៉ូតុនម៉ែត្រ។


10. Ram 1500 Rebel

ត្បិតថា នៅ​ប្រទេស​កម្ពុជា មិន​សូវ​ដែល​ឃើញ​គេ​និយម​ទិញ​ជិះក៏​ពិតមែន តែ​រថយន្ត Truck ផលិត​នៅ​សហរដ្ឋអាមេរិចមួយប្រភេទនេះ លក់​ដាច់​ខ្លាំងគួរសមដែរ នៅទីផ្សារ​អាមេរិច និងអឺរ៉ុប។ រថយន្ត Ram 1500 Rebel បំពាក់ម៉ាស៊ីនច្រើនជម្រើស ដូចជាម៉ាស៊ីនម៉ាស៊ូត ចំណុះ 3.0លីត្រ កម្លាំង 260សេះ និង​ប្រភេទម៉ាស៊ីនធំជាងនេះ ម៉ាស៊ីនចំណុះ 3.6លីត្រ ស៊ីឡាំង6 និងម៉ាស៊ីនចំណុះ 5.7លីត្រ ស៊ីឡាំង8 កម្លាំង 395សេះ។ ចំពោះរង្វង់កង់វិញ ប្រើ​ជាមួយកង់ក្រោះ ទំហំ 32អ៊ីញ និង​ប្រព័ន្ធបូមខ្យល់ four-corner ដែល​អាច​សារ៉េ​ឡើង​ចុះ​បានថែមទៀតផង៕

ប្រភព៖ CarBuzz






សូមណែនាំអត្ថបទសម្រាប់អ្នក