មិននឹកស្មានថារថយន្ត Toyota Venza ស៊េរីឆ្នាំ2021 ឌីហ្សាញ​ស្អាត​ដល់ថ្នាក់ហ្នឹង ហើយ100Km ស៊ីតែ 6L ប៉ុណ្ណោះ

ឃើញភ្លាម​ ស្រលាញ់ភ្លែត​តែម្ដង!

sambo 2019
19 ឧសភា 2020
07:28 pm
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

សម្រាប់រូបរាង​រថយន្ត Toyota Venza ឆ្នាំ2020 ចុះមកប្រិយមិត្ត​ប្រហែល​ជា​ធ្លាប់​បាន​ឃើញ ប៉ុន្តែ​សម្រាប់ម៉ូឌែល 2021 នេះ ផលិត​ចេញមក មាន​រូបរាង​ទាក់ទាញខ្លាំងមែនទែន ជាពិសេស​មើល​ផ្នែក​ខាងមុខ កាច និង​ហាប់ណែន​មែនទែន។ ក្រុមហ៊ុន Toyota បាន​បញ្ជាក់ថា រថយន្តស៊េរីថ្មី Toyota Venza ឆ្នាំ2021 ជាប្រភេទរថយន្ត crossover ប្រើ​ម៉ាស៊ីន​ hybrid ជំនួយ​ម៉ាស៊ីន ហើយ​មាន​ទំហំ​​ប្រហាក់ប្រហែលនឹង​ប្រភេទ​រថយន្ត Rav4 ដូច្នេះដែរ។ រថយន្តនេះ ប្រើ​យ៉ាន់​ alloy ទំហំ 18អ៊ីញ និងអំពូលខាងមុខ បំពាក់​នូវ​អំពូលប្រភេទ LED មើលទៅ​ស្រស់ស្អាត ស៊ី​ទៅ​នឹង​ការ​ឌីហ្សាញ​ផ្នែក​ខាងមុខ​តែម្ដង។

 

រូបភាព Automotive Cambodia

Toyota Venza មាន​3ម៉ូឌែល គឺ LE, XLE និងLimited ហើយផ្នែក​ខាងក្នុង ប្រើ​ជាមួយអេក្រង់ Touch Screen ទំហំ 12.3អ៊ីញ។ ខាងមុខ​តៃកុង​ មាន​ស្លាយ៍ head-up displer លើកញ្ចក់ សម្រាប់​ផ្ដល់​ព័ត៌មានពី​ការ​បើកបរ។ មាន Speakers ចំនួន9 ជាប្រភេទ Premium Audio system មានបច្ចេកវិទ្យា Dynamic Navigation, Apple CarPlay, Android Auto, Amazon Alexa និងប្លូធូស លើ​ដៃចង្កូត។ Venza នឹង​បំពាក់​ម៉ាស៊ីន​ចំណុះ 2.5L ស៊ីឡាំង4 អម​ជាមួយ​ប្រព័ន្ធ​ hybrid ជាជំនួយ បើកបរ​ដោយ​កង់ទាំង4 (AWD) អាច​បង្កើន​កម្លាំងដល់ 219សេះ។  

រថយន្ត Toyota Venza ឆ្នាំ2021 ក៏​នឹង​បំពាក់​មក​ស្រាប់ ជាមួយប្រព័ន្ធសុវត្ថិភាពវៃឆ្លាត Toyota Safety Sense 2.0 ដែល​រួមមាន full-speed radar cruise control, lane departure alert, lane trace និង road sign assist ថែមទៀតផង។ Venza ឆ្នាំ2021 នឹង​បង្ហាញខ្លួន​ ក្នុង​កំឡុងចុង​ឆ្នាំ2020 ហើយ​តម្លៃ​លក់​អាច​នឹង ថ្លៃចន្លោះពី 34,000$-35,000$ (តម្លៃនៅបរទេស)៕


ប្រភព៖ CarBuzz