ជួយមើលគ្នា គេថារូបរាងរបស់ Toyota Venza ពិតជាស្រដៀងជាមួយ Rav4 និងHighlander មែនឬ?

មើលយូរៗស្រដៀងមែនហ្នឹង!

sambo 2019
26 ឧសភា 2020
10:41 pm
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

បន្ទាប់ពី​មាន​ការ​សរសើរ​មិនដាច់ពីមាត់ ពីរូបរាង​របស់រថយន្ត Toyota Venza ស៊េរី​ឆ្នាំ2021 ឌីហ្សាញដ៏​ស្រស់ស្អាត មិនចាញ់ប្រភេទ NX 200t មិន​បាន​ប៉ុន្មាន​ផង ស្រាប់​តែ​មាន​ការ​ប្រៀបធៀបមួយផ្សេង ថា​រូបរាង​របស់រថយន្ត Crossover ប្រើ​ប្រព័ន្ធ hybridនេះ ស្រដៀងទៅ​នឹង​រូបរាងរថយន្ត Toyota Rav4 និង Toyota Highlander ទៅវិញ។

ចុះចំណែកប្រិយមិត្តវិញ កត់​សម្គាល់​យ៉ាងណា​ដែរ ចំពោះ​រូបរាង​រថយន្តទាំង3 ស៊េរី ដែល​ផលិត​ ក្រោមដំបូលរបស់​ក្រុមហ៊ុន Toyota តែ​មួយនេះ?

Toyota Venza មាន​3ម៉ូឌែល គឺ LE, XLE និងLimited ហើយផ្នែក​ខាងក្នុង ប្រើ​ជាមួយអេក្រង់ Touch Screen ទំហំ 12.3អ៊ីញ។ ខាងមុខ​តៃកុង​ មាន​ស្លាយ៍ head-up displer លើកញ្ចក់ សម្រាប់​ផ្ដល់​ព័ត៌មានពី​ការ​បើកបរ។ មាន Speakers ចំនួន9 ជាប្រភេទ Premium Audio system មានបច្ចេកវិទ្យា Dynamic Navigation, Apple CarPlay, Android Auto, Amazon Alexa និងប្លូធូស លើ​ដៃចង្កូត។ Venza នឹង​បំពាក់​ម៉ាស៊ីន​ចំណុះ 2.5L ស៊ីឡាំង4 អម​ជាមួយ​ប្រព័ន្ធ​ hybrid ជាជំនួយ បើកបរ​ដោយ​កង់ទាំង4 (AWD) អាច​បង្កើន​កម្លាំងដល់ 219សេះ។ Venza ឆ្នាំ2021 នឹង​បង្ហាញខ្លួន​ ក្នុង​កំឡុងចុង​ឆ្នាំ2020 ហើយ​តម្លៃ​លក់​អាច​នឹង ថ្លៃចន្លោះពី 34,000$-35,000$ (តម្លៃនៅបរទេស)៕


ប្រភព៖ CarBuzz