លេចតែពីមុខ​បន្តិចក៏​ដឹងថា​រថយន្ត Hyundai Santa Fe ស៊េរីឆ្នាំ2021 មានរូបរាងសិចស៊ីខ្លាំងដូចតួកូរ៉េដែរ

ស៊ិចស៊ីខ្លាំងមែនហ្នឹង

sambo 2019
27 ឧសភា 2020
04:47 pm
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

ប៉ាណាខាងមុខធំជាងមុន បំពាក់​ដោយ​អំពូល LED DRLs​ចេញថ្មីកាន់តែស្រស់ស្អាត ធ្វើ​ឲ្យ​មុខ​មាត់​របស់​រថយន្តប្រភេទ SUV ម៉ាក Hyundai Santa Fe ស៊េរីឆ្នាំ2021 ដែល​ត្រៀម​នឹង​បង្ហាញខ្លួនក្នុង​ពេលឆាប់ៗខាងមុខនេះ កាន់តែ​សិចស៊ីខ្លាំង និងកាន់តែ​កាចជាងស៊េរីឆ្នាំ2020 ដែរ ។

មើលមួយភ្លែត ផ្នែក​ខាងមុខ​របស់​រថយន្ត Hyundai Santa Fe ស៊េរីឆ្នាំ2021 មាន​លក្ខណៈបែប Sport ជា​ង​រថយន្ត Kia Sorento នេះ​ក៏​ដោយសារ​តែ​ ការ​ជួយលើក​សម្រស់នៃប៉ាណា​ខាងមុខផ្ទាល់​តែ​ម្ដង។ Santa Fe ស៊េរីថ្មីនេះ នឹង​បំពាក់​មក​ជាមួយម៉ាស៊ីន 2.5L ប្រភេទ turbo ស៊ីឡាំង 4 កម្លាំង 290សេះ ព្រម​ទាំង​ជួយ​សន្សំសំចៃ​ ប្រភេទ hybrid និង plug-in hybrid ជាជំនួយដល់​ប្រព័ន្ធដំណើរ​ការ​ម៉ាស៊ីនថែម​ទៀតផង។

ក្រុមហ៊ុន Hyundai បាន​ប្រកាស​ថា វត្តមាន​របស់រថយន្ត Santa Fe ឆ្នាំ2021 នឹង​បង្ហាញខ្លួន​លើ​ទឹកដី​ប្រទេស​ប៉ែកអឺរ៉ុប នៅ​កំឡុង​ខែ កញ្ញា ឆ្នាំ2020 ហើយ​សម្រាប់​ទីផ្សារ​នៅ​សហរដ្ឋអាមេរិច នឹង​កំណត់​ជាក់លាក់នៅ​ពេល​ណាមួយ អាស្រ័យ​លើ​ស្ថានភាពកូវីដ19 ធូរស្រាល៕

ប្រភព៖ CarBuzz