នាឡិកាដៃលំដាប់អភិជនតម្លៃ 580,000$ ប្រើម៉ាស៊ីន W12 ​ដូចឡានស្ព័រ Bugatti Chiron Super Sport

ដល់ក! នាឡិកាអភិជនតម្លៃជិត 60ម៉ឺនដុល្លារ

sambo 2019
16 មិថុនា 2020
05:29 pm
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

ទោះ​មិន​ចង់ជឿ តែ​រឿងនេះ​ បាន​កើត​ឡើង​រួចទៅហើយ ​ដោយ​ក្រុមហ៊ុន Jacob & Co បាន​ផលិត​នាឡិកាដៃ តម្លៃ​ថ្លៃលំដាប់ស្ទើរមិនគួរ​ឲ្យជឿង ថ្លៃ 580,000$ ។ ហេតុផល​ដ៏ចម្បង ដែល​ធ្វើ​ឲ្យ​គ្រឿងលម្អកាយ មួយនេះមាន​តម្លៃខ្ពស់កប់ពពកដូច្នេះ ដោយសារ​តែ គ្រឿងម៉ាស៊ីន​វា ដំណើរ​ការ​ ដូចទៅនឹង​ម៉ាស៊ីនរបស់រថយន្តស្ព័រលំដាប់ពិភពលោក hypercar ម៉ាក Bugatti Chiron Super Sport 300+ ។

ចំណុច​ពិសេស​លេចធ្លោរលើ​នាឡិកា​ដៃនេះដែរនោះ គឺ​វា​ផលិត​មក​មាន​ចំនួនកំណត់ គឺ​ត្រឹម​តែ​ 18គ្រឿង ខណៈ​ដែល​រថយន្ត Chiron Super Sport 300+ ផលិត​តែ​ចំនួន 30គ្រឿងប៉ុណ្ណោះ។ មួយវិញទៀត បើ​និយាយ​ពី​គ្រឿងមានតម្លៃ ដែលលម្អលើ​នាឡិកានេះវិញ ​ត្រូវ​បាន​ផលិត​ឡើង​មានពីរប្រភេទ គឺ​ពណ៌ខ្មៅ (Black DLC Grade 5) មានតួខាងក្រៅជាប្រភេទ Titanium ជាមួយសារធាតុកាបោន Fiber និងមួយទៀត មានតួស្រោបមាសចំនួន 18-karat Rose Gold 5N ​និង​តួខ្លួនលាយ កាបោន Fiber ដូចគ្នា។

ចំណុច​ដែល​គេ​ប្រៀប​ធៀប​នាឡិកានេះ ជាមួយ​រថយន្តស្ព័រ Bugatti Chiron ដោយសារ​តែ​ម៉ាស៊ីននាឡិកាតូចនោះ ជាប្រភេទម៉ាស៊ីន W16 ដំណើរការ​ដោយ Twin Turbo Furious ខ្នាតតូច ដូចទៅ​នឹងម៉ាស៊ីន​ឡាន តម្លៃ 3.89លានដុល្លារដែរ។ កាន់តែធ្វើ​ឲ្យ​តម្លៃ​ខ្លួនគ្រឿងអលង្ការនេះ ឡើង​ថ្លៃកប់​ជាងនេះ​ទៀតនោះ គឺ​ដោយសារ​តែ​គ្រឿងបង្គុំសរុប ផ្សំឡើង​ពី​សារធាតុផ្សំផលិតចំនួន 832 ប្រភេទខុសៗគ្នា។ ចង់​ដឹងដល់ហើយ តើ​អភិជនណា ដែល​នឹង​ជះលុយ​ជិត 60ម៉ឺនដុល្លារ ទិញ​នាឡិកាដៃនេះ?

រូបភាព Automotive Cambodia

ប្រភព៖ Motor1