នៅអឺរ៉ុបឡាន Lexus ទាំង 3ស៊េរីនេះស្រាប់តែលក់លែងដាច់ដូចមុន

ហេតុផលតែមួយគត់ គឺ

sambo 2019
19 តុលា 2020
10:45 am
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

Automotive News Europe បាន​រាយការណ៍ថា រថយន្តម៉ាក Lexus ចំនួន 3ស៊េរី រួមមាន Lexus, RC, IS និង CT នឹង​មិន​មាន​វត្តមានលើ​ទឹកដីប្រទេសប៉ែកអឺរ៉ុបទៀតទេ។ ហេតុផល គឺដោយសារតែ​រថយន្តទាំងនេះ លក់មិនសូវដាច់ ដូច Lexus ស៊េរីផ្សេងៗ នារយពេលប៉ុន្មានចុងក្រោយនេះ។

កាលពីអំឡុងឆ្នាំ 2011 រថយន្ត Lexus ប្រភេទ hatchback ទាបៗ ដូចជា Lexus CT ជាដើម ហាក់​មានទីផ្សារ​ខ្លាំងនៅអឺរ៉ុប តែ​បច្ចុប្បន្ន ទីផ្សារលក់ចេញ ដូចជាដើរបញ្ច្រាស់ទៅវិញ។ ទន្ទឹមគ្នានេះ សម្រាប់ Lexus IS វិញ ក៏មិនសូវមាន​ដំណឹងលក់ចេញបាន​ច្រើនផងដែរ។ រយៈពេល 11ខែ ក្នុងឆ្នាំ 2020នេះ IS លក់ចេញបានត្រឹមចំនួន 1,101គ្រឿងប៉ុណ្ណោះ។ ហើយបើនិយាយដល់ Lexus RC វិញ ឃើញថាលក់បានតែ 422គ្រឿង ក្នុងរយពេល 8ខែ ក្នុងឆ្នាំនេះ។

ក្រាបនៃការលក់ចេញ ដាំក្បាលចុះនេះហើយ ទើប​ក្រុមហ៊ុម Lexus សម្រេចចិត្តផ្អាកការផលិតរថយន្ត ម៉ូឌែល RC, IS និង CT ចូលទៅទីផ្សារអឺរ៉ុបសិន។ ជាសំណាងល្អ ឡាន Lexus ប្រភេទ SUV ម៉ូឌែល UX, NX និង RX នៅតែ​បន្ត​លក់ដាច់ខ្លាំង ទាំង​ទីផ្សារអឺរ៉ុប និង​ប្រទេសផ្សេងៗ។ គិតត្រឹមរយពេល 8ខែ ក្នុងឆ្នាំ2020 នេះ Lexus UX លក់បានដល់ទៅ 10,291គ្រឿង ហើយ NX លក់បាន 7,739គ្រឿង ស្របពេលដែល Lexus RX លក់បាន 3,474គ្រឿង៕

ប្រភព៖ CarBuzz 

សូមណែនាំអត្ថបទសម្រាប់អ្នក