ឡានគូទស្វីតក្នុងរឿង James Bond មួយនេះប្រកាសលក់ 20ម៉ឺនដុល្លារ

មានសង្ឃឹមហើយចឹង

sambo 2019
01 ធ្នូ 2020
11:19 am
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

អ្នកជិះ​ឡានស៊េរីទាបៗ សូមកុំទាន់អស់សង្ឃឹម ព្រោះ​អាយុឡានកាន់តែ​ច្រើន តម្លៃឡានអាចនឹង​កាន់តែ​លក់បានថ្លៃ ដូចឡានម៉ាក Mercury Cougar XR-7 ផលិតឆ្នាំ1969 នេះអ៊ីចឹង។ រថយន្តអាយុជិតកន្លះស.វ មួយគ្រឿងនេះ ត្រូវ​បានត្រៀម​ប្រកាសដាក់លក់ ក្នុងតម្លៃរហូតដល់ទៅ 200,000$ ក្នុងព្រឹត្តិការណ៍ ពិព័រណ៍រថយន្ត ពាក់កណ្ដាលខែធ្នូ ឆ្នាំ2020។

រថយន្តបែប Classic ស៊េរីចាស់មួយនេះ ធ្លាប់បានបង្ហាញខ្លួន ក្នុងភាពយន្តហូលីវូដ រឿង James Bond វគ្គ Her Majesty’s Secret Service ក្នុងឆ្នាំ1969។ វាត្រូវបាន​សម្ដែងជាមួយតួឯកប្រុសសញ្ជាតិអូស្ត្រាលី លោក George Lazenby ក្នុងនាមជាតួ Mr. Bond ។

រថយន្តម៉ាក Mercury Cougar XR-7 ជារថយន្តផលិត​នៅសហរដ្ឋអាមេរិក និង​ដឹកតាមកាប៉ាល់ ទៅសម្ដែងរឿងនៅអង់គ្លេស។ វាជាប្រភេទរថយន្ត Sedan ដ៏ទាន់សម័យ និងទំនើបនាសម័យនោះ ហើយជាបំពាក់ដោយម៉ាស៊ីន V8 ប្រើលេខអូតូ 6លេខ។ រថយន្តនេះ ត្រូវ​បានគេកត់សម្គាល់ថា ជាដៃគូរសម្ដែង​ដ៏ស័ក្តិសម និង​សម្ដែង​បាន​ល្អបំផុត ក្នុងចំណោមការ​សម្ដែងជាមួយរថយន្តជាច្រើនគ្រឿងផ្សេងទៀត ក្នុងរឿង James Bond។ អ៊ីចឹង អ្នកជិះឡានស៊េរីចាស់ៗខ្លាំង កុំទាន់អស់សង្ឃឹម ថាមិនត្រូវ ថ្ងៃណាមួយ អាចនឹងត្រូវប៉ាន់ក៏ថាបាន!

ប្រភព៖​ Carbuzz 

សូមណែនាំអត្ថបទសម្រាប់អ្នក