ស្ងាត់ៗស្រាប់តែ Elon Musk សម្រេចចិត្តផ្លាស់ប្ដូរទីតាំង​រោងចក្រពីរដ្ឋ California ទៅTexas វិញ (វីដេអូ)

ម៉េចបានចឹង?

sambo 2019
10 ធ្នូ 2020
03:50 pm
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

នាយកប្រតិបត្តិក្រុមហ៊ុនរថយន្ត Tesla លោក Elon Musk បាន​បញ្ជាក់ប្រាក់សារព័ត៌មាន The Wall Street Journal ថា ដោយសារតែបច្ចុប្បន្ន មានក្រុមហ៊ុនផលិតរថយន្តអគ្គិសនីជាច្រើន កំពុង​បាញ់ឆ្ពោះទៅឈជើងនៅ​រដ្ឋ Texas សហរដ្ឋអាមេរិក។ ហេតុដូច្នេះហើយ ទើប​លោកសម្រេចចិត្តផ្លាស់ប្ដូរ ការិយាល័យកណ្ដាល និង​រោងចក្រពីរដ្ឋ California ទៅទីនោះដែរ។

រូបភាព Automotive Cambodia


ស្ថាបនិកក្រុមហ៊ុនរថយន្តអត់ប្រើសាំង ដដែលរូបនេះ បញ្ជាក់បន្ថែមថា៖ «ខ្ញុំគិតថា ទីផ្សារយើងនៅរដ្ឋ California ក៏​ធំសមល្មមហើយដែរ ដូចនេះ ការពង្រីកខ្លួនឲ្យកាន់តែធំទៅកាន់រដ្ឋ Texas គឺជាជំហានបន្ទាប់»។ បច្ចុប្បន្ន លោកកំពុងសិក្សាពីគម្រោងធ្វើរោងចក្របន្ថែម ជាមួយក្រុមហ៊ុនសាងសង ដែល​អាច​នឹង​បោះទីតាំងនៅ​ ភាគខាងត្បូងនៃរដ្ឋ Texas តែម្ដង។ យ៉ាងណាក៏ដោយ គេមើលឃើញថា នេះមិនមែនជាហេតុផលតែមួយ ដែល Elon Musk ផ្លាស់ប្ដូរទីតាំងរោងចក្រទេ តែ​អាចមកពីកត្តាកាតព្វកិច្ចបង់ពន្ធ ព្រោះថាបើគាត់បន្តនៅ California ក្រុមហ៊ុនលោក នឹងត្រូវ​បន្តបង់ពន្ធកើនឡើង តាមចំណូលរបស់ក្រុមហ៊ុន ដែលកំពុងមានទីផ្សារងើបឡើងខ្លាំងនេះ។

តាមទំនោរនេះ មានន័យថា មិនមែនត្រឹមតែ រោងចក្រធំផលិតរថយន្ត Tesla ប៉ុណ្ណោះទេ ដែលនឹង​ប្ដូរទៅរដ្ឋ Texas សូម្បីតែ មជ្ឍមណ្ឌលស្រាវជ្រាវ The Musk Foundation របស់គាត់ ដែល​ធ្វើការទៅផ្នែក ផលិតថាមពលថ្មី សិក្សាពីអាវកាស អភិវឌ្ឍន៍លើបច្ចេកឆ្លាតវៃ AI និងសិក្សាស្រាវជ្រាវផ្នែកវិទ្យាសាស្ត្រ ក៏ត្រូវទៅតាមដែរ ទោះបីជា Elon មិនបានបញ្ជាក់ចំៗក៏ដោយ។ គួរបញ្ជាក់ថា បច្ចុប្បន្ន ម្ចាស់គម្រោង សិក្សាអាវកាស SpaceX និងជា CEO ក្រុមហ៊ុន Tesla រូបនេះ ជាប់ឈ្មោះជាមហាសេដ្ឋីមានជាងគេ លំដាប់លេខ2 មានទឹកប្រាក់សរុប 50ពាន់លានដុល្លារ តាមពីក្រោយស្ថាបនិកក្រុមហ៊ុន Amazon លោក Jeff Bezos៕

ប្រភព៖ Carbuzz 

សូមណែនាំអត្ថបទសម្រាប់អ្នក