ក្រុមហ៊ុន Ford ផលិតរថយន្តស្ព័រចេញពីក្នុងហ្គេមប្រណាំងឡានរបស់ខ្លួនបានមែន (វីដេអូ)

ហីឡើងឡើងស្ព័រ

sambo 2019
18 ធ្នូ 2020
03:18 pm
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

រថយន្តស្ព័រ ដែលគ្រប់គ្នាធ្លាប់តែបានឃើញក្នុងហ្គេមប្រណាំងរថយន្តរបស់ក្រុមហ៊ុនអ្នកផលិតកម្មវិធីហ្គេម Team Fordzilla របស់ក្រុមហ៊ុនរថយន្ត FORD ពេលនេះបាន​ផលិតចេញមកក្រៅពិតមែន។ ក្រុមអ្នកឌីហ្សាញបានចំណាយពេលវេលា ដល់ទៅ 7សប្តាហ៍ ទម្រាំ​ឈានដល់ការផលិត​ចេញនូវ​រូបរាងរថយន្តពិតៗដូច្នេះ។ បើមើលរូបរាងពីខាងក្រៅ ឃើញថារថយន្ត hypercar របស់ Ford មួយនេះ ពិតជាស័ក្តិសមជារថយន្តប្រណាំងពិតមែន។ ទាំងភាពស្រស់ស្អាត ស៊ីវិល័យ និងទំនើបរបស់រថយន្ត ពិតបានកញ្ឆក់យកបេះដូងរបស់ Gamers នៅជុំវិញពិភពលោកឲ្យ​លង់ស្រលាញ់មិនតិចទេ។


ក្រោយប្រកាសបង្ហាញនូវរូបរាងរថយន្តចេញពីក្នុងហ្គេម Fordzilla រួចមក អ្នកតាមដានប្រមាណ 250,000 ត្រូវ​បាន​បើកឱកាស​ឲ្យ​ចូលបោះឆ្នោត និង​ចូលរួមលេងហ្គេមកម្សាន្ត។ សម្រាប់​អ្នកលេងហ្គេមជាប់ នឹង​ត្រូវ​ជ្រើសរើស​ឲ្យ​ជិះរថយន្ត Concepts Design នេះ ដោយយកបោះឆ្នោតយកការឌីហ្សាញដោយ ម៉ូដបែបបង្ហាញរូបរាងផ្នែកកង់រថយន្តខាងក្រោយ ឬក៏បិទបាំងដូចរថយន្តស្ព័រទូទៅ។

អ្នកចូលរួមបោះឆ្នោតក្នុងការស្ទង់មតិនេះ ភាគច្រើនជាអ្នកលេងហ្គេមវ័យក្មេង ហើយ​ពួកគេ​ចង់ឲ្យ​អ្នកឌីហ្សាញ បិទបាំងផ្នែកកង់ខាងក្រោយឲ្យជិតធម្មតា ព្រោះ​មើលទៅស្រស់ស្អាត និង​ឡូយឆាយជាង។ តាមដឹង ក្រុមហ៊ុនរថយន្ត Ford គម្រោងនឹង​នាំ​យក​រថយន្តស្ព័រគំរូអនាគតរបស់ខ្លួននេះ ចូលរួម​ក្នុង​ព្រឹត្តិការណ៍តាំងពិព័រណ៌ជុំវិញពិភពលោកថែមទៀតផង៕

ប្រភព៖​ Slashgear 

សូមណែនាំអត្ថបទសម្រាប់អ្នក