ទស្សនាវីដេអូ Lexus LFA ទយគូទផ្លុំទៀនពន្លត់អបអរខួបកំណើត10ឆ្នាំរបស់ខ្លួន

ធ្វើចឹងបានទៀត Lexus LFA

sambo 2019
13 មករា 2021
11:38 am
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

ចាប់កំណើតក្នុងឆ្នាំ2010 មកទល់បច្ចុប្បន្ននេះ រថយន្តស្ព័រប្រភេទ supercar ម៉ាក Lexus LFA មានអាយុ 1ទសវត្សហើយ នេះក៏ជាពេលដែលត្រូវផ្លុំទៀនអបអរខួបកំណើតរបស់ខ្លួនដែរ។ ក្រុមហ៊ុនផលិតរថយន្ត Lexus នៅជប៉ុនក៏បានធ្វើកម្មវិធីខួប ដោយមាននំខេក ដុតទៀនខួបកំណើតចំនួន 10ដើម រួចបើករថយន្ត LFA ជាន់ហ្គែរ ពន្លត់ទៀនជ័យយ៉ាងរំភើយ។


ក្នុងអំឡុងឆ្នាំ 2010 រថយន្តប្រណាំងកាត់ស្ព័រ Lexus LFA ដែលកើតក្នុងត្រកូលរថយន្តស្ព័រលំដាប់អភិជននេះ ត្រូវ​បាន​ក្រុមហ៊ុនផលិតសាកល្បងត្រឹមតែ 500គ្រឿងសិនប៉ុណ្ណោះ។ ពេលនោះ រថយន្តនេះ បំពាក់មកជាមួយប្រភេទម៉ាស៊ីនទំហំធំ 4.8L ស៊ីឡាំង 10 និងមានកម្លាំងដល់ទៅ 560សេះ ហើយអាចរត់បានល្បឿនដល់ 325 km/h។ ចំពោះការបង្កើនល្បឿន LFA អាចជាន់ពីកុងទ័រ 0-100 km/h ដោយប្រើរយៈពេលត្រឹមតែ 3.7វិនាទីតែប៉ុណ្ណោះ។

រំលឹកដល់ប្រវត្តិដើម មុន​ក្រុមហ៊ុន Toyota សម្រេចចិត្តផលិតរថយន្ត Lexus LFA គឺគំរូរថយន្តនេះ ត្រូវបានគេ​យកទៅ​តាំងបង្ហាញក្នុងកម្មវិធី Tokyo Motor Show Lexus កាលពីឆ្នាំ 2009 នៅប្រទេសជប៉ុន ហើយឃើញថា ទទួលបានការចាប់អារម្មណ៍ច្រើនពីសំណាក់អ្នកចូលរួម និងសាធារណៈជន។ ក្រោយមកទៀត ក្នុងឆ្នាំ2010 ក្រុមហ៊ុនក៏សម្រេចផលិត Lexus LFA មកតែម្ដង ប៉ុន្តែពេលនេះ ផលិតមានកំណត់ គឺត្រឹមចំនួន 500សិនប៉ុណ្ណោះ៕

ប្រភព៖ Carscoops 

សូមណែនាំអត្ថបទសម្រាប់អ្នក