រថយន្ត Ford F-250 Super Duty លេងមុខហ្ស៊ីនចេញពីរោងចក្ររួចកាចដូចមុខយក្ស

ឈ្នះអស់មារសត្រូវ

sambo 2019
22 មករា 2021
11:24 am
រូបភាពពី​ទស្សនាវដ្តីពិភពអេឡិចត្រូនិក
រូបភាព Automotive Cambodia

ក្រុមហ៊ុនរថយន្ត Ford នៅតែ​បន្តបង្កើតភាពអស្ចារ្យ និងលេចធ្លោរ លើរថយន្ត Pick Up របស់ខ្លួនម៉ូឌែល F-250 Super Duty ដោយការឌីហ្សាញផ្នែកខាងមុខ កាន់តែអំណាច និងកាចខ្លាំងឡើងៗ។មើលទៅលើកនេះ រថយន្តប្រភេទ Pick Up ផ្សេងៗប្រហែលពិបាកប្រកួតជាមួយ Ford Super Duty ស៊េរីថ្មីនេះណាស់។ ធាតុផ្សំ ដែលធ្វើឱ្យរថយន្តនេះ កាចដូចមុខយក្ស គឺប៉ាណា និងកាងផ្នែកខាងមុខតែម្ដង។

រូបភាព Automotive Cambodia

សូម្បីតែគូរប្រជែងអំបូរ Pick Up ដូចគ្នា ដូចជា Silverado និង Ram ក៏ត្រូវបានគេព្យាករណ៍ថា មិនមែនជាដៃគូរស្មើសាច់ ស្មើគីឡូជាមួយ F-250 Super Duty នេះទៀតដែរ។ ប៉ាណាផ្នែកខាងមុខ ត្រូវបានលេងជាមួយអំពូល LED កាន់តែភ្លឺស្អាត ចំនួន 4កន្លែងទៀត ខណៈដែលកាងខាងក្រោម ជាប់គ្នានោះលេងពណ៌ខ្មៅយ៉ាងហាប់ណែនល្អ បង្កប់ដោយខ្សែអូសសណ្ដោងមួយនៅខាងក្នុងនោះទៀតផង។

យ៉ាងណាមិញ ការលេងតុបតែងឱ្យកាន់តែឡើងធំឈ្នះអស់មារសត្រូវលើរថយន្ត Super Duty នេះ មានលើរថយន្ត Ford ទាំង2ម៉ូឌែល គឺ Ford F-250 Super Duty និង F-350 Super Duty XL។ ចង់លេងផ្នែកខាងមុខរថយន្តទាំងនេះ ឱ្យកាចដូចក្នុងរូប ម្ចាស់រថយន្តត្រូវកុម្ម៉ង់ទៅក្រុមហ៊ុនដោយផ្ទាល់ ព្រោះក្រៅពីផ្នែកកាង និងប៉ាណាខាងមុខទាំងនេះ ក៏នៅមានផ្នែកផ្សេងទៀត ដែលអាចលេងបន្ថែមឱកាន់តែឡូយផងដែរ។ ចំពោះតម្លៃនៅបរទេស រថយន្ត Ford F-250 Super Duty ស៊េរីឆ្នាំ 2020 មានចាប់ពី 34,035$ ដល់ 83,930$ និងម៉ូឌែល F-350 Super Duty XL មានចាប់ពី35,550$ ដល់ 85,105$ ៕

ប្រភព៖ Carbuzz 

សូមណែនាំអត្ថបទសម្រាប់អ្នក